स्रष्टा व्याकुल माईला बेलायतमा सम्मानित

By:
Posted On: 2012-07-06 09:32:46

फोल्क्स्टन (केन्ट) ।  बेलायतको फोल्क्सटन केन्टमा आयोजित स्रष्टा सम्मान कार्यक्रममा राष्ट्रिय गानका रचनाकार व्याकुल माईला सम्मानित भएका छन् । हाम्रो राष्ट्रियता, इतिहास, धर्म, संस्कार, संस्कृति र पहिचान भाषा संगै मर्छ, नेपाली भाषाको संरक्षण गरौं, स्रष्टाहरुको सम्मान गरौं भन्ने नाराका साथ कार्यक्रम आयोजना गरिएको आयोजक चण्डीका राईले बताएका छन् । नेपाली भाषाको विकासमा व्याकुल माईलाले पु¥याएको उच्च योगदानको कदर गर्दै, विशाल कार्यक्रमकाबीच बिशेष सम्मान गरिएको थियो । उक्त सम्मान कार्यक्रममा आमन्त्रित गायीका पार्वती राईलाई समेत सम्मान गर्दै, उनको गीति एलबम “झझल्को” विमोचन गरेका थिए ।
साहित्यकार काङमाङ नरेश राई, कवि जगत नवोदित र विमला सुब्बाले सामुहिक रुपमा संचालन गरेको कार्यक्रम नयाू सन्देश साप्ताहिकका अध्यक्ष शिवधन राईको अध्यक्षतामा सम्पन्न भएको थियो । कार्यक्रमका संयोजक अधिवक्ता चण्डीराज राईले सम्पूर्ण अतिथिहरुको स्वागत गर्दै कार्यक्रम बारे प्रष्टाएका थिए । बेलायतका लागि नेपाली राजदुत डा. सुरेशचन्द्र चालिसेको प्रमुख आतिथ्य तथा गैरआवासीय नेपाली संघ (एनआरएन) यूकेका अध्यक्ष कुल आचार्य शिषेश आतिथ्यमा सम्पन्न भएको कार्यक्रममा नेपाल आदिवासी जनजाति महासंघ बेलायतका अध्यक्ष श्री प्रसाद लिम्बु, तमु धिं यूकेका अध्यक्ष मुछेत्र गुरुङ, महासचिव ज्ञाम गुरुङ, सुनुवार सेवा समाजका अध्यक्ष जग सुनुवार, किरांत याक्थुङ चुम्लु्ङ्गका अध्यक्ष डमर लिम्बु, शेर्पा संघ बेलायत अध्यक्ष आङकला शेर्पा, किरात राई यायोक्खाका उपाध्यक्ष कल्पना राई, छन्त्याल समाजका अध्यक्ष तुल छन्त्याल, दुरा समाजका अध्यक्ष ओम प्रसाद दुरा, खोटाङ समाजका अध्यक्ष रत्न राई, पांचथर सेवा समाजका अध्यक्ष एकराज नेम्वाङ्ग, नेपाली समाज फोल्क्स्टनका अध्यक्ष मे. हर्कराज राई, सगरमाथ गोर्खा नेप्लिज कम्यूनिटी आस्फोर्डका अध्यक्ष पोपीराज राई, मिड्वे चाथाम नेपाली समाजका अध्यक्ष शिवराज राई, नेपाली समाज क्यान्टवरीका अध्यक्ष कुमार वाईवा, नेपाली टिभीका व्यवस्थापक पशुपति भण्डारी, नेपाली प्रतिभा प्रतिष्ठान बेलायतका अध्यक्ष रक्ष राईको सहभागिता रहेको थियो ।
अतिथिको आशनबाट मन्तब्य व्यक्त गर्दै,  कार्यक्रमको डा. चालिसेले प्रसंशा गर्दै बेलायतमा नेपाली भाषाको अध्ययन अध्यापन सम्बन्धि कार्यमा दुतावासको तर्फबाट सक्दो सहयोग पुर्याउने प्रतिवद्धता व्यक्त गरे । व्याकुल माईलाले जनआन्दोलन पश्चात् नयां नेपालको परिचय, पहिचान, भाषा, संस्कृति, जाति, सम्पदा, कलालाई प्रतिनिधित्व गराउने र नेपालीलाई चिनाउने, राष्ट्रको गौरव बोकेको राष्ट्रिय गीत बोकेर बेलायत आउने मौका प्रदान गर्ने आयोजकलाई धन्यावद  दिदै विदेशमा रहेर नेपाली भाषा संस्कृतिको जर्गेना गर्न लाग्नुहुने  सम्पूर्ण व्यक्ति बिषेश, बुद्धिजिवी, पत्रकार र  संघसंस्थाहरुलाई धन्यवाद दिए । कार्यक्रमलाई सहयोग पुर्याउने प्रायोजकहरुलाई धन्यवाद दिदै बेलायतका अन्य शहरहरुमा आउदो जुलाई महीनामा यो कार्यक्रम संचालन गर्दै लैजाने संयोजक चण्डिका राईले बताए । कार्यक्रमको अन्त्यसम्म नानीहरुको नृत्य  र गीत गाएर भरपूर मनोरञ्जन दिलाएका थिए ।


 





































 

संबन्धित समाचारहरु